1. IKUSMIRA BERRIAK programak ikus-entzunezko proiektuak garatzen ari diren zinemagileak hartuko ditu.
2. Denera, sei egonaldi emango dira, talde hauetakoak:
   • Nest sailaren azkeneko bost edizioetako parte-hartzaileak (2021-2017)
   • Elías Querejeta Zine Eskolako Ikasleak
   • EAEko zuzendariak
   • Espainiako gainerako zuzendariak
   • Nazioarteko zuzendariak
3.  Edozein iraupenetako proiektuak aurkez daitezke, eta gai aldetik ere ez dago mugarik (fikzioa, ez fikzioa, etab.).
4. Parte-hartzaile bakoitzak proiektu bakarra aurkeztu ahal izango du, kategoria bakarrean. Proiektu bat ezingo da kategoria batean baino gehiagotan aurkeztu.
5. Proiektuak aurre-hautaketarako aurkezteko epea 2022ko irailaren 1ean amaituko da, 23:59etan - (Europe/Madrid).
6. Eskatzaileek izena emateko formularioa bete beharko dute. Online eskuratu daiteke IZEN-EMATE atalean. Nahitaezko eremuak betetzeaz gain, eduki hau jasotzen duen pdf. bat atxiki beharko da: 
   • Informazio teknikoa (orrialde 1)
   • Sinopsi luzea (orrialde 1)
   • Tratamendua (8-12 orrialde bitartean)
   • Asmo-gutuna (1-2 orrialde)
   • Ekoizpen-datuak (2-3 orrialde)
     • Ekoizpen etxearen informazioa (izanez gero)
     • Aurrekontua
     • Finantzaketa – plana
   • Zuzendariaren CV eta biofilmografia (1-2 orrialde)
   • Dossierraren hizkuntza:
     • Zinemagile gaztelaniadunak: nahitaezkoa gaztelaniaz
     • Zinemagile ez- gaztelaniadunakt: Ingelesez
     • Euskal Autonomia Erkidegoko zinemagileak: euskaraz eta gaztelaniaz edo soilik gaztelaniaz
7. Eskatzaileek lehendik beste lanen bat zuzendu badute, lan horiek online ikusteko estekak sartu beharko dira formularioko 6. puntuan.
8. Zinematografia arloko profesionalek osatutako Adituen Batzorde batek egingo du behin-behineko aukeraketa, aurkeztutako dokumentazioan oinarrituta.
9. Behin betiko aukeraketa, berriz, Ikusmira Berriak-eko Hautaketa Batzordeak egingo du, Tabakalerako, Elías Querejeta Zine Eskola eta Donostiako Zinemaldiko kideez osatutakoak.
10. Esleipena egin ondoren, hautatuek astebeteko epea izango dute egonaldia onartzeko.
11. Batzordeak erabaki dezake talderen bati egonaldirik ez ematea eta/edo taldeetako bati egonaldi bat baino gehiago ematea.
12. Batzordeak erreserba-zerrenda bat osatuko du eskatzaileen talde bakoitzeko, eta zerrenda horretan daudenek lortu ahal izango dute egonaldia hasieran hautatutako eskatzaileek uko egiten badiote hautagaitzari.
13. Azaroan jakinaraziko da zein sei proiektu hautatu diren.                                                  

1.ARTIKULUA

Ikusmira Berriak Tabakaleran, Kultura Garaikidearen Nazioarteko Zentroan, Donostian egingo da. Programak zortzi aste iraungo du, eta bi egonaldi egingo dituzte parte-hartzaileek. Martxoa-apirilean izango da lehenengo egonaldia eta irailean bigarren egonaldia.  

2.ARTIKULUA

Esleipenaz geroztik, hautatutako eskatzaileek astebeteko epea izango dute egonaldia onartzeko.

3.ARTIKULUA

Zinemagileek ezin izango dute proiektuz aldatu behin aukeratuta. deialdian aurkeztutako dossierrari jarraitu beharko diote.

4.ARTIKULUA

Hautatuak kompromiso hauek hartzen dituzte:

• Hautatuak ostatuan egonaldiak irauten duen denboran geratzeko konpromisoa hartzen dute. Aldendu behar izatekotan, aurrez jakinarazi behar izango izango da.
• Hautatuak, programaren ikus-entzunezko aktibitate guztietan parte hartzea.
• Hautatuak, antolaketak eskatutako dokumentazio guztia bidaltzeko kompromisua hartzea.
• Egonaldiari buruzko memoria ematea Ikusmira Berriak-en dokumentazio-funtsei, eta programaren ikus-entzunezko erregistroan esku hartzea.

5. ARTIKULUA

Programak bidai-gastuak, ostatua eta dietak estaliko ditu.

6. ARTIKULUA

Proiektu bakoitzak 5.000 euroko laguntza jasoko du, garapen-prozesuan aurrera egiteko.

7. ARTIKULUA

Programak, egonaldiaren bigarren fasean (irailean), Zinemaldiaren aste berean, hautaturiko proiektuaren ekoizlea gonbidatuko du. Gonbidapenarekin batera, 5 ostatu-gau eta Zinemaldirako akreditazioa emango zaizkio. Ekoizleak konpromisoa hartuko du aldez aurretik bidaliko zaion agenda profesionala betetzeko.

8. ARTIKULUA

Egoiliarrek Tabakaleraren eta EQZEren baliabideak erabili ahal izango dituzte (lanerako guneak, zinema-aretoa, dokumentazio-funtsak, ekipoak, etab.).

9. ARTIKULUA

Programaren barruan, Donostiako Zinemaldirako akreditazioa lortuko da (bakarra da eta ezingo zaio beste inori eman). Akreditazio horrekin, zinema-areto eta -saio guztietara, publikoari irekitako eta akreditatutako instalazioetara eta agenda profesionalarekin lotutako jardueretara sartzea egongo da, betiere erakundeak adostutako protokoloa errespetatzen bada. Ekitaldi eta festa ofizialetarako, bakoitzak gonbidapen bat izango du.

10. ARTIKULUA

Hautatutako sei proiektuei  partaidetza ziurtagiria emango die Ikusmira Berriaken zuzendaritzak.

11. ARTIKULUA

IKUSMIRA BERRIAKen eta tartean dauden erakundeen izenak zein beren logotipoak proiektuen kredituetan txertatu beharko dira osatu ondoren.