IKUSMIRA

  1. iz. jakin-mina, ikusteko gogoa/nahia, ezagutzeko gogoa/nahia
  2. iz. [ikuspegia] bista, ikuspegia
  3. izond. ikusmiratzailea; jakiteko eta ezagutzeko gogoa duena

Ikusmira Berriak zinegileentzako egonaldi-programa bat da, talentu emergentea eta ikus-entzunezko sorkuntza babesten eta bultzatzen dituena. 

Egonaldiaren helburua proiektu zinematografikoak garatzeko espazioa, denbora, testuingurua eta baliabideak eskaintzea da. Programa 2015ean sortu zen, Donostia Zinemaldiaren eta Tabakaleraren arteko lankidetzatik eta, 2018tik, Elías Querejeta Zine Eskolak (EQZE) ere parte hartzen du. 

Ikusmira Berriak-en esanahia ikuspuntu berriak edo begirada berriak da eta, izenak berak dioen bezala, helburu bikoitza du: talentu zinematografiko berriei laguntza integrala ematea eta narratiba eta ikuspuntu garaikide berriak bilatzea.

ESPAZIOA

Egonaldia Tabakaleraren eraikinean egingo da. Tabakalera proiektu aitzindari eta berritzailea da, munduan parekorik ez duena, eta kultura garaikidearen nazioarteko zentro bat (Tabakalerako kultur proiektua), nazioarteko zinemaldi bat (Donostia Zinemaldia), pentsamenduaren, ikerketaren, praktika esperimentalaren eta berrikuntza pedagogikoaren nazioarteko zentro bat (Elías Querejeta Zine Eskola) eta filmoteka nazional bat (Euskadiko Filmategia) biltzen ditu. 

Eraikineko ekosistemak zinemaren iragana, oraina eta etorkizuna batzen ditu ikuspegi integral batetik, zinemagileen komunitateari lagunduz, urteetan zehar jardun profesionalaren ondorioz eskuratutako berariazko ezagutzak ematen  dituzten erakundeek partekatutako proiektuen bidez. 

Aukera-eremu dinamikoa eta zinemari eskainitakoa da, erakunde bakoitzak eskaintzen dituen baliabideen ugaritasunagatik eta kopuruagatik.  

Tabakalera

DENBORA

Zortzi asteko egonaldia, bi fasetan banatuta, zazpi hilabeteko laguntza-programa batekin (martxotik irailera). 

Martxoa eta apirila.
1. fasea

Lehenengo fasean, sei astetan zehar, egonaldiak proiektu zinematografikoak garatzeko tresnak eskaintzen ditu. Zinemagile bakoitzari adituen batzordeak eta bere proiekturako izendatutako tutoreak laguntzen diote, eta diziplina anitzeko profesionalaren (zinemagileak, komisarioak, industriako profesionalak, etab.) ikuspegitik aztertu eta aholkuak ematen dizkiete. Banakako eta taldeko saioak, hautatutako proiektu bakoitzaren premia espezifikoekin bat datozenak, sorkuntza-prozesu desberdinak lantzeko. 

Maiatzetik abuztura bitartean.

Online tutoretzak eta 10.000 euroko diru-laguntza hautatutako proiektu bakoitzerako. 

Iraila.
2. fasea

Bigarren fasean, Donostia Zinemaldiarekin bat etorriz, zinemagileak itzuli egingo dira egonaldiko azken bi asteak osatzeko. Fase horretan, proiektuek Donostia Zinemaldiaren arlo profesionalean hartzen dute parte eta, produktorearekin batera, pitching formatuan (online) akreditatutako industriari aurkezten diote proiektua, networking jardunaldietan eta ekitaldietan parte hartzen dute, eta one-to-one hitzorduen agenda pertsonalizatua dute, beren proiektuetan parte hartzeko interesa duten profesionalekin. 

HURRENGO DEIALDIA: UZTAILAREN 1etik – IRAILAREN 1era, 2024

TESTUINGURUA

Ikusmira Berriak Tabakalera eraikinean dauden hiru erakundek antolatzen dute: Donostia Zinemaldiak, Tabakalera Kultura Garaikidearen Nazioarteko Zentroak eta Elías Querejeta Zine Eskolak.  

Erakunde horiek guztiek talentu zinematografikoari laguntzeko sistema integral bat eratzea dute xede: sistema hori ez da mugatzen proiektu bat ekoiztea eta agerian jartzea erraztera; aitzitik, zinemagileak denboran zehar modu iraunkorrean prestatu, lagundu eta babestu nahi ditu. Ikasgeletatik hasi eta filmak erakusteraino ematen den laguntza da eta, zinemagile berriak ezagutzera emateaz gain, karrera egiten eta zinema-arloan bizitza profesionala garatzen laguntzea xede duena. 

Nicola Cagnina

BALIABIDEAK

Zinemagileek zentroak eskaintzen dituen espazio eta zerbitzuez eta eraikinean bertan gauzatzen diren jarduera guztiez baliatzen dira: zinema-aretoak, laborategiak, erakusketa-aretoak, film-funtsak, liburutegi espezializatuak, lan-espazioak, profesionalak eta sektoreko erakundeak. 

Tabakalerako Artisten Gunea.

Eguneroko lanerako espazio fisiko bat, banako estudio bat, eremu komun bat eta ikus-entzunezko ekipamenduak barne hartzen dituena: irudia edo bideoa editatzeko estudioak, soinu-kabina eta platoa.  

Diru-zuzkidura.

Egoiliar bakoitzak diru-zuzkidura bat du dieta gisa, egonaldiaren bi faseetako eguneko gastuak ordaintzeko. 

Bidaia eta ostatua.

Bi faseetako bidaia-gastuak, One Shot Tabakalera House hoteleko egonaldi artistikoetako ostatua eta ekoizleentzako iraileko ostatua sartzen dira.

Garapenerako laguntza.

Ekainean, bi faseen erdian, egoiliar bakoitzak 10.000 euroko diru-laguntza jasotzen du, hautatutako proiektu bakoitza garatzen laguntzeko.

Donostia Zinemaldia.

Irailean, egoiliar bakoitzak industria-sailaren akreditazioa eta bere proiektuetan parte hartu nahi duten profesionalekin hitzorduak izateko agenda pertsonalizatua ditu.

Pantaila.

Egonaldiak irauten duen bitartean, Tabakalerako pantaila publiko partekatuaren programazioaren zinema-saio guztietara doan sartzea

Gutun Zuriak.

Gutun zurien saio bat pantaila partekatuko programazioan, zinemagile bakoitzaren prestakuntzan eta sorkuntza-prozesuan eragina izan duten irudiak eta istorioak ezagutzeko aukera ematen duena.  

Euskadiko Filmategia.

Euskadiko Filmategiko zinema-aretorako sarbidea (46 jarlekuko edukiera du), beren lanak edo ikusi nahi dituzten lanak proiektatzeko. 

Medialab – Tabakalera.

Medialab sorkuntza- eta esperimentazio-liburutegira zuzenean sartzeko aukera. Ezagutza, teknologia eta ikasteko prozesuak errazteko eta proiektuak esperimentatzeko eta garatzeko espazioak eskaintzen ditu, eta tokiko komunitateak eta sareak sustatzen eta elikatzen ditu, gizarte-eraldaketarako funtsezko elementu gisa.

EQZE programa akademikoa.

EQZEren programa akademikoa eta ikastaro erregularreko eskolak, hitzaldiak, proiekzioak eta bestelako irakaskuntza-jarduerak zinemagileentzat irekita daude, eta zuzendaritza akademikoarekin bil daitezke egonaldiak irauten duen bitartean ikasle gonbidatu gisa joateko aukera aztertzeko.

EQZEko talde teknikoak.

EQZEren ekipamendu teknikoaren eskuragarritasuna, kamerak eta grabagailuak, errebelatzeko eta digitalizatzeko laborategiak, irudi- eta soinu-postproduzio postuak eta proiekzio-atelierra barne.  

EDIZIOAK

2015ean lehen aldiz argitaratu zenetik, Ikusmira Berriak programak  Alemania, Austria, Argentina, Belgika, Bolivia, Brasil, Txile, Ekuador, Egipto, Espainia, Estatu Batuak, Japonia, Errusia eta Erresuma Batuko ikus-entzunezkoen 44 proiektu sustatu ditu. 

2023 - 9. edizioa

2023 - 9. edizioa

2023 - 9. edizioa

2023 - 9. edizioa

2022 – 8. edizioa

2022 – 8. edizioa

2021 – 7. edizioa

2021 – 7. edizioa

2020 – 6. edizioa

2020 – 6. edizioa

2019 – 5. edizioa

2019 – 5. edizioa

2018 – 4. edizioa

2018 – 4. edizioa

2017 – 3. edizioa

2017 – 3. edizioa

2016 – 2ª edizioa

2016 – 2ª edizioa

2015 – 1go edizioa

2015 – 1go edizioa

Antolatzaileak

Finantzaketa

Laguntzaileak