Egonaldia Tabakaleran egingo da. Kultura proiektu aitzindaria da Tabakalera, munduan bakarra, Tabakalera Kultura Garaikidearen Nazioarteko Zentroaren; Donostiako Zinemaldiaren; Pentsamendu, ikerkuntza, praktika esperimental eta berrikuntza pedagogikoaren Elias Querejeta Zine Eskola nazioarteko zentroaren; eta filmoteka nazional baten, Euskal Filmotekaren, egoitza.

Formula berritzaile baten arabera diseinatutako programa da: 7 hilabeteko egonaldia, egonaldi bikoitza hartzen duena eta urtean zehar bi fasetan banatzen dena. 

Programa antolatzen duten erakundeek hiru bultzada estrategiko partekatzen dituzte: zinemako ezagutzen prestakuntza eta transmisioa; talentu berrien bilaketa, laguntza eta garapena; eta ikerketa, pentsamendu zinematografikoa eta dibulgazioa, hurbilketa teoriko-akademiko eta profesional bikoitzetik.

Zinemagileek onura hartzen dute Tabakaleran dauden erakundeek eskainitako espazioetatik eta zerbitzuetatik, baita bertako jarduera eta programa guztietatik ere: zinema-aretoak, laborategiak, erakusketa-aretoak, film-funtsak, liburutegi espezializatuak, lan-espazioak, langileak eta bertan dauden erakundeak.